Acte d'Adam de Quaregnon, mambourg des pauvres de Mons, passé devant l'échevinage de Mons (mars 1323)

Notice créée le 2024-08-08 à 19:44 par Nicolas Ruffini-Ronzani (nruffini).

Acte d'Adam de Quaregnon, mambourg des pauvres de Mons, passé devant l'échevinage de Mons

0026

mars 1323

-

Chirographe

-

-

-

Adam, mambourg des pauvres de Quaregnon

Colart Consiaul de Bray

-

-

Arenberg Auctions, Bruxelles

2023-12-14

-

Sachent tout chil ki cest escrit verront u oront ke Adans de Quadrignon, adont manbours des povres de Mons, s’est deshir-/2/-tés bien et a loy, en tans et en liu ke bien le peut faire, de le maison et de tout l’iestre entièrement tout ensi comme elle s’en /3/-stent u ens Colars li Estuliere maint et demeure, seant en le rulke de le poterie a Mons tenant a le maison ki fu /4/ monsigneur Robiert dou Mortier d’une part et a le maison Huart Loirs d’autre part. Et le tient de l’aumosne des /5/ povres de Mons parmi XLIII sols blans par an au Noël. De celi maison et iestre devant dit, tout ensi comme elle s’en-/6/-stent a li dis Adans de Quadrignon reportet l’iretaige en le main Jehan de Biertammont, a celi jour mayeur de /7/ le ville de Mons et n’i demandroit une fie et autre et tierche sauf le cens deseure dit ; et saus aussi l’autre cens /8/ ke li dite maisons doit ailleurs. Et pour ahireter bien et a loy, Colart Consiaul de Bray pour luy et pour ses hoirs /9/ qu’il aroit de Jehanne se femme fille Ayzabiaut ki est femme Colart l’Estulier devant dit et Yzabiaut se femme et dou daer-/10/-rain vivant dy aus deus. Chou fait, li mayres de Mons devant nommés ke de chou avoir plain pooir la alvech (?)/11/ tantost en le pieche de terre et en le presence des eskievins de le ville de Mons ki ou dit hiretaige ont a iugier /12/ et ki iugeur en sont et par siute faite dy aus li uns de l’autre. Reporta l’iretaige de le dite maison et iestre enti-/13/-rement en le main de Colart Consiaul de Bray dessus dit. Et l’en ahireta bien e a loy pour lui et pour les hoirs /14/ a tous jours en le fourme et en le manière ke deseure est dit as us et as coustumes ke li hiretaiges doit, sauf/15/ les XVIII sols blans par an k’elle doit a l’aumosne des povres et l’autre cens k’elle doit ailleurs. A cest deshiretement, /16/ cest ahiretement et a tous ces couvens deviser et ordener fu comme mayres de le ville de Mons, Jehans de Biertain-/17/-mont deseure nommés. Et si i furent comme eskevin Richars d’Astoillies, Fastres de Gemblues, Jehans Couves /18/ et Symons li Candillons. Che fu fait bien et a loy en le maison Jehan Joye c’on dist le Canouine l’an de grase /19/ mil trois cens vint et deux, le mardi en le peneuse semainne de Pasques, ou moys de march.

Doutes de lecture : l. 3 « rulke » ( ?) = ruelle ?, rue + suffixe -ke ; l. 2-3 « s’en /3/-stent » et 5-6 : « s’en-/6/-stent » : forme conjuguée de quel verbe ? ; fin ligne 9 après « avoir plain pooir » = avoir plein pouvoir, lecture incertaine de « la alvech » (et sens à trouver)

Retranscription : Émilie Mineo (Université du Luxembourg)

Nicolas Ruffini-Ronzani, « Acte d'Adam de Quaregnon, mambourg des pauvres de Mons, passé devant l'échevinage de Mons », in GUARD : Guarantee Unpreserved Archives Remain Documented, Nicolas Ruffini-Ronzani et Sébastien de Valeriola (éds.), n° 0026, 2024, URL : https://guard.ulb.be/doku.php?id=notice:charte:0026.